Dita Kombëtare e Trashëgimisë Kulturore – Takimi për “Veshjen e Nuses Zadrimore” në Hajmel

NË KUADËR TË 29 SHTATORIT, DITËS KOMBËTARE TË TRASHËGIMISË KULTURORE 🏛🏰🏘🏺🍶

Ju ftojmë të merrni pjesë në aktivitetin prezantues kushtuar “Veshjes së Nuses Zadrimore”, nën kujdesin e veçantë të Kryetarit të Bashkisë Vau Dejës, z.Kristian Shkreli për një nga pasuritë më të çmuara të trashëgimisë jomateriale të fushës së Zadrimës.

Mbajtja gjallë e dijebërjeve tradicionale është garanci jo vetëm për vazhdimësinë e jetës komunitare, por edhe për zhvillimin ekonomik e turistik të zonës.

Gjatë aktivitetit do të gjeni:

📌Këndin e artizanëve që sjellin të gjithë procesin e prodhimit të kostumit tradicional të Zadrimës: nga nxjerrja e fijes së mendafshit, endja e pëlhurave bazike, deri te qëndisja me motive gjeometrike sipas shembujve të hershëm.

📌Një udhëtim në histori, do të risillet atmosfera e dikurshme e tregjeve tradicionale, ku gratë dhe burrat zadrimorë shisnin punimet e tyre artizanale.

📌Improvizimi i “Marrjes së Nuses” sipas traditës së hershëm, i shoqëruar me muzikë dhe valle tradicionale, që do të sjellin një atmosferë të gjallë festive.

Ky aktivitet është një mundësi unike për të njohur nga afër trashëgiminë e pasur zadrimore dhe për të qenë pjesë e një feste që bashkon historinë, kulturën dhe artizanatin.

Mos mungoni! 👏🏻

📍 Hajmel
🗓 29 Shtator
⏰ Ora 10:30