Ekspozita “Konstelacion” nga Joana Dhiamandi te “Galeria e Artit” Tiranë

“Konstelacion”
Ekspozitë personale nga Joana Dhiamandi
Kuruar nga Ardian Isufi.

🗓 03 – 22 Shkurt 2026
🕘 Hënë–Premte | 09:00–18:00
🕚 Shtunë–Dielë | 11:00–16:00
📍 Galeria e Artit Tiranë, Rruga e Kavajës, Godina e Prefekturës

Galeria e Artit Tiranë ka kënaqësinë t’ju ftojë në çeljen e ekspozitës “Konstelacion”, e ndërtuar si një proces dhe përjetim që zhvillohet përmes tre fazave: laboratori, ngjizja dhe konstelacioni.

Në thelb të ekspozitës qëndron qelqi — jo si efekt dekorativ, por si gjendje fizike e brishtësisë, transparencës dhe tensionit mes formimit dhe thyerjes.

Ekspozita shpaloset përmes tre dhomave, të cilat nuk janë thjesht ndarje hapësinore, por gjendje të ndryshme ontologjike, ku kuptimi ndërtohet përmes lëvizjes së trupit, ndjesisë së materialit dhe kohës së qëndrimit.

“Konstelacion” nis si një sistem marrëdhëniesh që zgjerohet gradualisht në hapësirë dhe kohë, duke i dhënë secilit mundësinë për interpretim, përfshirje dhe përjetim personal.

Ju mirëpresim 🤍