Ekspozita personale e artistit polak JAKUB ELWERTOWSKI ‘‘WORKERS‘‘ te Galeria FAB
Të nderuar miq, Galeria FAB ka kënaqësinë t’ju ftojë në inagurimin e ekspozitës personale të artistit polak
JAKUB ELWERTOWSKI
‘‘WORKERS‘‘
Dt. 1 shtator, ora 19.00
Kohëzgjatja 1 – 10 shtator 2026,
Kuruar nga Prof. Asc. Albes Fusha
Galeria FAB, Fakulteti i Arteve të Bukura
Universiteti i Arteve
Rr. Ibrahim Rrugova, nr. 22, Tiranë
…
Nuk e di nëse e mbani mend, por kam qenë këtu edhe në vitin 2013. Së bashku me Ermir
Hoxhën, Albes Fushën, Sadik Spahijën dhe Fatmir Mizirin përgatitëm ekspozitën e parë të
pikturës polake në Shqipëri, pikërisht këtu.
Për më tepër, ende mbaj rreth qafës një shqiponjë që e mora atëherë.
Nuk më pëlqen shumë të flas në hapje ekspozitash, ndaj do ta mbaj fjalën time të shkurtër
dhe të përmbledhur.
Nuk e konsideroj veten artist dhe, në fakt, nuk më pëlqen veçanërisht as ky term. E shoh
veten më shumë si një zejtar krijues, i cili, në njëfarë kuptimi, prodhon kompozime në vend
që t’i pikturojë ato. Ashtu si njerëzit që paraqes kryejnë punën e tyre çdo ditë, edhe unë
kryej timen — një punë fizike, të përsëritur dhe të mbështetur mbi një punë të disiplinuar
dhe të vazhdueshme.
Seria e pikturave “Workers” u krijua në vitin 2015 dhe vazhdon të jetë një projekt në
zhvillim. Në këtë ekspozitë do të paraqitet afërsisht gjysma e veprave të krijuara deri më
sot. Seria vazhdon të zhvillohet dhe të zgjerohet me vepra të reja, megjithëse jo në mënyrë
të vazhdueshme. I rikthehem asaj herë pas here — thjesht kam nevojë të largohem prej saj
për njëfarë kohe, në mënyrë që të mund t’i rikthehem me një vështrim të freskët.
Të gjitha veprat janë realizuar duke përdorur teknikën e kolazhit, e cila prej shumë vitesh
është njëkohësisht firma ime dhe mediumi im i preferuar artistik. Tërheqja im me kolazhin
pasqyrohet edhe në faktin se edhe disertacioni im i doktoraturës u bazua në këtë teknikë.
Seria “Workers” ka të bëjë, mbi të gjitha, me njerëzit dhe jetën e tyre të përditshme. Është
bota që më rrethon — këtu dhe tani. Protagonistët e serisë janë individë, puna e të cilëve
përbën themelin e shoqërisë bashkëkohore, por që shpesh mbeten të pavërejtur.
Kjo nuk është një punë e udhëhequr nga shprehja emocionale. Këtu nuk do të gjeni
metafora, simbolikë apo kuptime të fshehura. Është një dokument — një formë reportazhi,
dhe asgjë më shumë.
“Ajo që shihni është ajo që shihni.
” Fjalët e Frank Stellës janë bërë motoja qendrore e praktikës sime.
Veprat janë realizuar në teknikën mixed-media, duke kombinuar gazeta të aplikuara me
ngjitës të lagësht, ngjitësin Wikol, bojë akrilike, bojë shkrimi, shabllone dhe vinil
vetëngjitës. Njollat e dukshme, papërsosmëritë, vijat e ndërtimit, gjurmët e procesit të
punës dhe — po aq e rëndësishme — vetë përmasa e telajos janë të gjitha elemente të
qëllimshme të kompozimit. Ato nuk janë gabime, por pjesë përbërëse e gjuhës pamore që
përcakton karakterin dhe kuptimin e çdo vepre.
