Ekspozitë fotograftike “Zëra të fuqishëm” – Gratë e Ballkanit – Forcë dhe trashëgimi te Vila 31 x Art Explora


ZËRA TË FUQISHËM: GRATË E BALLKANIT – FORCË DHE TRASHËGIMI

Nesër, më 24 shtator, Vila 31 x Art Explora ju fton të zbuloni Unbounded Voices: Women of the Balkans – Strength & Legacy, një ekspozitë fotografike nga Agence France-Presse (AFP), me mbështetjen e L’Oréal Group.

Ekspozita sjell portrete intime të nëntë grave nga vende të ndryshme të Ballkanit, duke dokumentuar jetën e tyre të përditshme, punën, pasionet dhe përvojat: nga Tirana në Beograd, Sarajevë dhe Banja Luka.

Të fotografuara në mjediset e tyre, gratë e përfshira në projekt sfidojnë imazhet e thjeshtëzuara të rajonit, duke sjellë në fokus histori force, gëzimi, krenarie dhe jete të përditshme.

Në Tiranë, ekspozita prezanton fotografitë e fotografit të AFP-së Adnan Beci, me portretet e Blerina Vrenozit, specialiste e merimangave, studiuese dhe pedagoge në Universitetin e Tiranës; Elida Zhulatit, e cila ruan gjallë mjeshtërinë e qëndisjes tradicionale; dhe Luna Caushollit, këngëtare dhe kantautore e re.

Ekspozita fizike shoqërohet nga një platformë shumëgjuhëshe online me një galeri të zgjeruar fotografish, rrëfime të shkruara dhe përmbajtje audio gjithëpërfshirëse.

📍 Vila 31 x Art Explora
🗓️ Hapja: 24 shtator
📅 E hapur deri më 2 tetor

Ejani të zbuloni zërat pas imazheve.