Koncerti “Shqipëri, o nëna ime” te TKOB

🇦🇱 “Shqipëri, O Nëna Ime…”, një koncert që vjen nga Ansambli Kombëtar i Këngëve dhe Valleve Popullore, si një himn i dedikuar atdheut dhe rrënjëve tona.

Një premierë e veçantë që ngjitet në skenën e TKOBAP-së me emocionin, fuqinë dhe krenarinë e këngëve dhe valleve shqiptare.

Një tjetër shfaqje e jashtëzakonshme ku publiku artdashës, përveç solistëve të Ansamblit Kombëtar Aranit Hoxha, Malvina Likaj, Denisa Gjezo, ka kënaqësinë të mirëpresë për herë të parë në një shfaqje me ansamblin, tenorin me famë botërore Josif Gjipali, me pjesëmarrjen e Artistit të Madh, tenorit Kastriot Tusha dhe baritonit të talentuar të TKOBAP-së, Artur Vera.

💃 Me pjesëmarrjen e solistëve valltarë:
Gëzim Halili, Helga Saraçi, Marjana Shkreta, Olta Ahmetaj, Reji Berisha, Flavio Xhaferi dhe Frenki Ziaj, të cilët sjellin në skenë pasionin, energjinë dhe shpirtin e gjallë të traditës shqiptare.

Një natë ku flamuri, kënga dhe vallja bëhen një për të na kujtuar se arti është gjuha më e bukur e dashurisë për atdheun. ❤️

8 Nëntor, ora 19:00