“Mia në Shtëpinë me Gjethe” – Teatër me kukulla në muze!
📣“Mia në Shtëpinë me Gjethe” – Teatër me kukulla në muze!
🎭 Më 12 dhjetor, ora 15:00, Muzeu “Shtëpia me Gjethe” sjell për herë të parë në Shqipëri një shfaqje teatri me kukulla të krijuar posaçërisht për një muze kujtese.
Një format i ri edukimi, që ndërthur historinë, artin dhe imagjinatën për t’ua sjellë të shkuarën fëmijëve me një gjuhë të butë, të kuptueshme dhe dinjitoze.
🎪Shfaqja “Mia në Shtëpinë me Gjethe” është përgatitur në bashkëpunim me Family Art Guides, me tekst origjinal dhe elemente vizuale të konceptuara enkas për muzeun tonë.
Për realizimin e saj:
• kemi punësuar part-time një student të Universitetit të Arteve,
• kemi përdorur zërat e anëtarëve të stafit si personazhe të shfaqjes,
• kemi zhvilluar një qasje të re interpretimi për publikun e vogël.
Kemi kënaqësinë të presim në këtë aktivitet edhe fëmijët e Shtëpisë së Fëmijës “Zyber Hallulli”, të cilëve u dedikohet kjo premierë e veçantë.
Një hap më tej drejt muzeologjisë bashkëkohore, edukimit krijues dhe qasjes inkluzive ndaj historisë.
