“Nën velin e kontrabasit – Poezi & muzikë frymëzuar nga Dante” me Caterina Palazzi dhe Anila Balla
“Nën velin e kontrabasit”
Poezi dhe muzikë e frymëzuar nga Dante.
Caterina Palazzi (kontrabasiste italiane) & Anila Balla (aktore shqiptare).
🗓 23.01.2026 · 🕖 19:00
📍 Salla e Qendrës Kulturore të Kishës Orthodhokse, Tiranë
🎟️ Hyrja 500 lekë
Informacion mbi eventin:
“Nën velin e kontrabasit”
Tiranë, 23 janar 2026, ora 19:00 – Salla e Qendrës Kulturore të Kishës Orthodhokse
Një udhëtim mes fantazisë, errësirës dhe poetikës dramatike vjen në Tiranë me eventin performativ “Nën velin e kontrabasit”. Poezi dhe muzikë e frymëzuar nga Dante Alighieri, një bashkim i pazakontë mes muzikës eksperimentale, teatrit fizik dhe artit të cirkut.
Në skenë do të takohen dy energji artistike të ndryshme, por thellësisht plot imagjinatë:
Caterina Palazzi – kontrabasiste e njohur italiane, e cila sjell një dimension të errët, atmosferik dhe emocional.
Anila Balla – aktore shqiptare, e cila ndërton një narrativë teatrale që lëviz mes simbolikës së veprës së Dantes, duke ndërthurur tekst, trup dhe performancë fizike.
Artistë nga Cirku Kombëtar do të shtojnë një dimension vizual të fuqishëm, me elemente akrobatike, koreografi ajrore dhe performanca të gërshetuara në skenografi të errët dhe poetike.
Atmosferë e veçantë: Publiku me maska
Publiku inkurajohet të mbajë maska, duke u bërë pjesë e instalacionit të gjallë të mbrëmjes. Maska vepron si simbol i ndërmjetësimit mes botës njerëzore dhe mitike, duke thelluar përvojën imersive dhe rituale të eventit.
