Panairi “Traditat në duart e fëmijëve” në Durrës

17 Tetori është shpallur nga UNESCO si Dita Ndërkombëtare e Trashëgimisë Jomateriale. Qendra Muzeore Durrës, në bashkëpunim me Bashkinë e Durrësit, Zyrën Vendore Arsimore dhe Qendrën Kulturore të Fëmijëve Durrës ka organizuar për të nderuar këtë ditë panairin “Traditat në duart e fëmijëve”.
Aktiviteti do të jetë një manifestim i trashëgimisë sonë nga brezi i ri; ai do të prezantojë punime të krijuara prej tyre, po aq sa objeke familjare që rrëfejnë histori, të ruajtura me kujdes prej tyre. Gjithashtu, aktiviteti do të përmbajë performanca të këngëve valleve dhe ritualeve tradicionale, që vazhdojnë të mbahen gjallë nga brezi i ri.
Ky aktivitet do të jetë një celebrim i identitetit tonë kombëtar, i sjellë dhe i manifestuar nga brezi i ri!
Mos mungoni:
Qendra Kulturore e Fëmijëve-17 tetor, ora 16.00