Promovim libri “Gruaja në kinemanë shqiptare, gjatë dhe pas komunizmit” me Malda Likën

Arkivi Qendror Shtetëror i Filmit ka kënaqësinë t’ju ftojë në një bisedë me autoren e librit, Malda Lika, një studim i veçantë mbi rolin, përfaqësimin dhe zhvillimin e figurës së gruas në kinemanë shqiptare, përtej kufijve politikë dhe historikë.

Ky botim hedh dritë mbi mënyrën se si është ndërtuar dhe transformuar imazhi i gruas në ekranin shqiptar, nga koha e regjimit komunist deri në periudhën pas viteve ’90; një reflektim mbi artin, ideologjinë dhe shoqërinë.

Një aktivitet që bashkon studiues, profesionistë të filmit dhe publikun e interesuar për historinë e kinemasë sonë dhe rolin që gratë kanë luajtur në të.

Ejani të ndajmë bashkë një moment reflektimi dhe dialogu mbi kujtesën filmike dhe rolet që ajo ka pasqyruar!