Thirrje për projekte nga Teatri Kombëtar Eksperimental “Kujtim Spahivogli” Tiranë

THIRRJA E PARË PËR PROJEKTE TEATRORE PËR TEATRIN KOMBËTAR EKSPERIMENTAL “KUJTIM SPAHIVOGLI”

PËR PERIUDHËN MARS – QERSHOR 2026

Njoftojmë hapjen e thirrjes për proçedurën e aplikimit për projekte artistike që do të realizohen në periudhën Mars – Qershor 2026 për Teatrin Kombëtar Eksperimental “Kujtim Spahivogli”. Thirrja është e dedikuar për prodhime dhe bashkëprodhime, me prioritet bashkëprodhimet.

Ftohen të gjithë krijuesit, regjisorë, producentë, koreografë, dramaturgë, muzikantë që të sjellin propozimet e tyre për:

1. Projekte artistike për shfaqje për rritur.

2. Projekte artistike për shfaqje për fëmijë.

Dosja duhet të përmbajë:

· CV të aplikantit

· Projekt propozimi

· Buxhetin e detajuar sipas zërave (për bashkëprodhimet duhet të paraqitet edhe buxheti që mbulohet nga bashkëprodhuesi).

· Konceptin regjisorial

· Tekstin

· Sinopsin

Dokumentacioni dorëzohet fizikisht pranë njësisë së protokollit të Teatrit Kombëtar Eksperimental “Kujtim Spahivogli” dhe në formë elektronike në e-mail: info@tkeks.gov.al.

Dorëzimi do të bëhet nga data 20.01.2026 – 10.02.2026, nga ora 09:00-14:00 në Teatrin Kombëtar Eksperimental “Kujtim Spahivogli”, Rruga “Sami Frashëri”, ArTurbina.