“Viti Maks Velo” nga Qendra Kombëtare e Librit te salla “Tefta Tashko”

Në kuadër të “Viti Maks Velo” si dhe 90-vjetorit të tij të lindjes, Qendra Kombëtare e Librit dhe Leximit do të organizojë një aktivitet me temë “Maks Velo – Polemisti i rezistencës, sensualizmit dhe lirisë estetike” ku do të jenë të pranishëm artistë të artit pamor dhe njerëz të kulturës, të cilët do të flasin mbi kompleksitetin e Maks Velos, polemikat që ai ndezi në të gjallë të tij, rezistencën ndaj përçudnimit politik, shoqëror dhe human, por edhe mbi universalitetin e artit të tij.

Aktiviteti do të mbahet më datë 1 shtator 2025, ora 11:00, salla “Tefta Tashko”, kati 2, ish-Ministria e Kulturës, Kinostudio.
#qkll #ministriaeekonomisëkulturësdheinovacionit #vitimaksvelo