4–7 Qershor 2026 | Agimi Cinema & Vila 31 | Tiranë, Shqipëri
“Çdo regjisor e mban mend herën e parë në Tiranë.”
Tiranë, 4 Qershor 2026 – Festivali Europian i Filmit të Rinjve në Tiranë (TEYFF) hap sot edicionin e tij të katërt, duke mirëpritur regjisorë të rinj nga e gjithë Europa për katër ditë të mbushura me kinema, diskutime, takime profesionale dhe zbulime artistike.
I zhvilluar në dy prej hapësirave më ikonike kulturore të kryeqytetit – Agimi Cinema dhe Vila 31 – festivali prezanton këtë vit shtatë filma në konkurrim, shfaqje speciale, një program retrospektiv dhe ceremoninë e ndarjes së çmimeve që vlerëson talentet më premtuese të kinemasë së re europiane.
Nën drejtimin artistik të Malda Likës, TEYFF vazhdon misionin e tij për ta pozicionuar Tiranën si një pikëtakim të rëndësishëm për regjisorët e rinj europianë dhe si një qytet që lë gjurmë të veçanta në rrugëtimin e tyre artistik.
Filmat në Konkurrim
Shtatë filma të gjatë nga regjisorë që prezantojnë veprat e tyre të para ose të dyta konkurrojnë për Çmimin e Jurisë në edicionin e këtij viti:
| Filmi | Regjisori | Shfaqja |
| Everybody Calls Redjo | Ibër Deari | Enjte, 4 Qershor – Agimi Cinema, ora 21:00 |
| Wondrous in the Silence of My Master | Ivan Salatić | Premte, 5 Qershor – Agimi Cinema, ora 19:00 |
| Emili | Ajola Daja | Premte, 5 Qershor – Agimi Cinema, ora 21:00 |
| Wild Strawberries | Tatyana Pandurska | Shtunë, 6 Qershor – Agimi Cinema, ora 19:00 |
| Yugo Florida | Vladimir Tagić | Shtunë, 6 Qershor – Agimi Cinema, ora 21:00 |
| The Crossroads | Dominika Montean-Pańków | Diel, 7 Qershor – Agimi Cinema, ora 19:00 |
| A Short Love Story | Ludovica Rampoldi | Premte, 5 Qershor – Vila 31, ora 19:00 |
Shfaqje Speciale dhe Retrospektivë
Në programin special të festivalit përfshihet “Marcello Mio”, me regji të Christophe Honoré, i cili do të shfaqet jashtë konkurrimit më 6 Qershor në Vila 31, duke sjellë për publikun një nga zërat më të rëndësishëm të kinemasë bashkëkohore europiane.
Programi retrospektiv i këtij viti prezanton filmin “Amaneti”, me regji të Namik Ajazit, që do të shfaqet më 4 Qershor në Vila 31. Kjo shfaqje ka një domethënie të veçantë, pasi një pjesë e xhirimeve të filmit janë realizuar pikërisht në ambientet e Vila 31. Rikthimi i filmit në këtë hapësirë krijon një lidhje unike mes veprës kinematografike dhe vendit ku ajo mori jetë.
Juria e Festivalit 2026
Juria e këtij viti përbëhet nga tre figura të njohura të artit dhe kulturës shqiptare:
- Bessa Myftiu
- Doruntina Basha
- Dionis Papadhimitri
Ata do të vlerësojnë filmat në konkurrim dhe do të ndajnë çmimet kryesore të festivalit gjatë ceremonisë së mbylljes më 7 Qershor.
Rreth TEYFF
Festivali Europian i Filmit të Rinjve në Tiranë (TEYFF) është një ngjarje vjetore e dedikuar regjisorëve të rinj europianë dhe zërave të rinj të kinemasë. Që prej themelimit të tij, festivali ka krijuar një platformë për talentet në zhvillim, duke nxitur shkëmbimin kulturor dhe bashkëpunimin ndërkombëtar.
Tashmë në edicionin e tij të katërt, TEYFF vazhdon të jetë një hapësirë ku lindin karriera, krijohen miqësi profesionale dhe ku Tirana shndërrohet në një destinacion të paharrueshëm për brezin e ri të kineastëve europianë.
Për më shumë informacion:
Titana European Youth Film Festival (TEYFF)
Tiranë, Shqipëri
4–7 Qershor 2026