Ditën e mërkurë, dt. 29.10.2025, ora 11:00, Qendra e Studimit të Arteve ju fton të merrni pjesë në ceremoninë e kremtimit të 30-vjetorit të revistës “Studime për artin”, që organizohet në Akademinë e Shkencave të Shqipërisë. Në këtë ditë do të flasim se si lindi kjo revistë, për historinë e saj gjatë tri dekadave të fundit, si dhe perspektivat e zhvillimit të këtij periodiku shkencor në të ardhmen, me themelues, bashkëpunëtorë, miq dhe dashamirës të revistës “Studime për artin”. Jeni të mirëpritur të na bashkoheni dhe të festojmë së bashku!
