“Digjitalizimi dhe ruajtja e imazheve filmike në AQSHF” nga Erjon Tusha

 Prezantim në AQSHF: Digjitalizimi dhe ruajtja e imazheve filmike

Ju ftojmë të merrni pjesë në workshopin e veçantë mbi digjitalizimin dhe ruajtjen e imazheve filmike, i udhëhequr nga specialisti i arkivit, Erjon Tusha.

*Data:* 6 nëntor 2025
 *Ora:* 10:30
 *Vendi:* Kinema “Drita”, Arkivi Qendror Shtetëror i Filmit

Rreth folësit:
Si pjesë e “Almanart”, një platformë kulturore dhe digjitale kushtuar promovimit të artit dhe kulturës në Shqipëri, Erjon Tusha ka punuar me raportimet  e ngjarjeve kulturore, analizës dhe dokumentimit të ngjarjeve artistike. Përveç kësaj, ai ka fituar përvojë të çmuar në fushën e trashëgimisë audiovizive dhe kulturës filmike përmes rolit të tij profesional në Arkivin Qendror Shtetëror të Filmit, ku është angazhuar aktivisht në inventarizimin dhe digjitalizimin e koleksioneve fotografike dhe grafike të fondeve tona artistike. Punën e tij për ruajtjen dhe digjitalizimin e këtyre koleksioneve e reflekton jo vetëm me kompetencën teknike, por edhe me pasionin e fortë për kujtesën kulturore, historinë e filmit dhe të ardhmen e imazheve lëvizëse në epokën digjitale.

Një mundësi unike për të mësuar nga afër teknikat e konservimit digjital dhe rëndësinë e digjitalizimit për ruajtjen e trashëgimisë kulturore shqiptare.
Hyrja e lirë.
#AQSHF #TrashëgimiaFilmi #Digjitalizim #RuajtjaEArkivit #WorkshopFilmi