Ekspozita “Qyteti që m’rri në sy” nga Rozafa Shpuza te Galeria “Oda” Shkodër

Ka diçka thellësisht të brendshme në këtë kthim te vetja, në këtë prezantim që nuk asht thjesht ekspozitë, por nji rrëfim i heshtun që më ka shoqnue ndër vite. Në Galerinë ODA kam pritë e kam përcjellë artistë prej anëve të ndryshme të botës, kam pa e kam ndi historitë e jetëve të tyne, por kësaj here, drita bie mbi punët e mia. Asht nji ndjesi që s’përkufizohet lehtë: pak mall, pak frikë, shumë dashni. Sikur muret që kanë mbajtë kujtimet e të tjerëve, tash po më njohin edhe mue, në nji mënyrë ma të thellë, ma të zhveshun. Kjo ekspozitë asht ndoshta nji kthim në fillim, aty ku gjithçka nisi prej shkrumit…❤️

Falenderoj miqtë e mi artistë: Mir Juka për kurimin dhe Senad Xhexhovi për posterin🎉