Ekspozita “Technotopia: Is This Hyperreal?” nga Shkamb Jaka te “Tulla Culture” Tiranë

Shkamb Jaka | Technotopia: Is This Hyperreal?

Tulla ka ka kënaqësinë t’ju ftoj në ekspozitën personale të artistit Shkamb Jaka të titulluar “Technotopia: Is This Hyperreal?”, e kuruar nga Labinot Kelmendi.

Teknologjia dhe Arti prej Antikës nuk kanë qenë të ndara, por shpesh janë përdorur si sinonime në kontekste të caktuara. Ato njëherazi edhe e shenjojnë karakterin produktiv të të-qenit-tonë-në-botë. Në këtë ekspozitë e kemi një bashkim të këtyre dy formave të shprehjes së qenies. Së pari: ekspozita si vendi (topoi) ku manifestohet kjo shkathtësi (techne) poetike (poiesis) dhe së dyti: vepra si një manifestim “tekno-estetikë” sepse formohet një simbiozë mes estetikës që është teknike dhe teknikës që është estetike. Ekspozita nëpërmjet këtij manifestimi tekno-estetikë e merr formën e një teknotopie.

Ekspozita hapet të premten, 29 mars, në ora 19:00.