Koncert “Kontrapunkti, energjia e tingullit” te “Salla e Ambasadës Gjermane” Tirane

Përjetoni një riinterpretim të kryeveprave klasike nga pianisti Marin Gjollma dhe flautisti Elvis Rudi. Muzikë që prek drejtpërdrejt duke ngacmuar të veçantën e fshehur brenda çdo qenieje njerëzore.

Ky rrugëtim muzikor do të shkrihet me imazhe të animuara që do të projektohen gjatë koncertit. Artisti vizual Kleidi Eski merr frymëzim nga vizioni muzikor dhe poetik i pjesëve, duke krijuar një lidhje harmonike mes dy formave të artit.

Programi përfshin vepra të Georg Friedrich Händel, Robert Schumann, Sigfrid Karg-Elert, Maurice Ravel dhe Albert Franz Doppler. Zhytuni në përjetimin e muzikës dhe grafikës në “Kontrapunkti, energjia e tingullit”.

Hyrja e lire.

Për koncertin në ambasadë kërkohet paraprakish një regjistrim i detyrueshëm. Ju lutemi regjistrohuni në events@tira.diplo.de deri më 24 tetor 2023, në orën 17:00
Ju lutemi vini re gjithashtu numrin e kufizuar të vendeve.