Promovim i librit “TERRENE – TETË VËSHTRIME MBI SPACIN” në Durrës
Një promovim ndryshe për një libër ndryshe!
Ju ftojmë në aktivitetin promovues të librit “TERRENE – TETË VËSHTRIME MBI SPACIN”, një reflektim i thellë mbi një vend që mbart kujtesë, dhimbje dhe histori.
Kësaj here, takimi nuk do të jetë thjesht me fjalë, por me artistët vizualë që kanë sjellë në jetë imazhet që shoqërojnë tekstet e librit. Në një rrjedhë të pazakontë promovimi, do të kemi një bashkëbisedim me ta, ku ata do të ndajnë procesin krijues, frymëzimin dhe qasjen e tyre ndaj temës së librit.
Një kombinim unik mes artit, kujtesës dhe fjalës së shkruar, një ngjarje që nuk duhet humbur!
🗓️ 26.09.2025
🕣 17:30
📍 Kulla Veneciane, Durres
Ky aktivitet zhvillohet në kuadër të projektit SHPIRTËRIM i cili zbatohet nga Tek Bunkeri me mbështetjen e programit EU4Culture, i financuar nga Bashkimi Evropian dhe i zbatuar nga UNOPS, në bashkëpunim me Ministrinë e Ekonomisë, Kulturës dhe Inovacionit.
