Ekspozita “Fanfara & Quasi-Modu” nga Fatmir Juka te “Galeria e Artit” Tiranë

Kemi kënaqësinë tju ftojmë në çeljen e ekspozitës “Fanfara & Quasi-Modu”, të artistit Fatmir Juka!

Ekspozita ju fton në një rrugëtim me karaktere përgjithësues dhe me qasje qartësisht ekzistencialiste.
Koncepti i saj është shpesh i fshehur në disa nota poetike, dhe synon të tregojë subjekte, që lindin nga presioni i ngjarjeve madhore, ndryshime të befta, të vogla apo globale; luftërave, përplasjeve sociale dhe reflektimeve vetjake mbi aktualitetin.

Fanfara dhe Quasi-Modu janë dy cikle me potrete të ndryshme, por në thelb, ajo që i bashkëlidh është tendenca për të treguar “udhëtimin e kontrolluar” të subjektit njeri.

Ekspozita hapet më datë 14 Maj 2026, ora 19:00.

Ju mirëpresim!