Ekspozita “MIO, BASHKËKOHËSIT DHE ARTISTËT E RINJ” te Galeria e Artit Pogradec

Ditën e shtunë, 23 shtator, ora 18:00, në Galerinë e Pogradecit hapet ekspozita me titull “MIO, BASHKËKOHËSIT DHE ARTISTËT E RINJ”, kuruar nga studiuesja Suzana Varvarica Kuka.

Kjo ekspozitë e mbështetur nga Ministria e Kulturës nis ciklin “Psikologjia shqiptare në artet pamore”, që do të vijojë në disa qytete të Shqipërisë.

Me ftesën drejt njohjes së #trashëgimisë artistike dhe shijimit të veprave të artit pamor: “Filloni vizitën tuaj të artit! Start your Art visit!”, rrugëtimi nis me Vangjush Mion dhe dishepujt e tij në zonën juglindore të vendit, për të vijuar me të tjerë emra të mëdhenj.